ఢిల్లీ ప్రభుత్వంలో 5,346 టీచర్‌ పోస్టులకు భారీ నోటిఫికేషన్!

DSSSBలో 5,346 TGT పోస్టుల భర్తీకి నోటిఫికేషన్. B.Ed, CTET తప్పనిసరి. దరఖాస్తుకు చివరి తేదీ: నవంబర్ 07, 2025.

ఢిల్లీ ప్రభుత్వంలో 5,346 టీచర్‌ పోస్టులకు భారీ నోటిఫికేషన్!

న్యూఢిల్లీ:

ఉద్యోగార్థులకు ఢిల్లీ సబార్డినేట్ సర్వీసెస్ సెలక్షన్ బోర్డ్ (DSSSB) శుభవార్త అందించింది. ఢిల్లీ ప్రభుత్వంలోని విద్యా విభాగం (Directorate of Education) లో ట్రైన్డ్ గ్రాడ్యుయేట్ టీచర్ (TGT) మరియు ఇతర పోస్టుల భర్తీకి సంబంధించి DSSSB అడ్వర్టైజ్‌మెంట్ నెం. 06/2025 ను విడుదల చేసింది. ఈ నోటిఫికేషన్ ద్వారా మొత్తం 5,346 ఖాళీలను భర్తీ చేయనున్నారుఆసక్తి గల అభ్యర్థులు అక్టోబర్ 09, 2025 నుండి నవంబర్ 07, 2025 లోపు ఆన్‌లైన్‌లో దరఖాస్తు చేసుకోవచ్చు.

ఖాళీలు & పోస్టుల వివరాలు

నోటిఫికేషన్‌లో ప్రధానంగా TGT పోస్టులను భర్తీ చేస్తున్నారు. వీటిలో కొన్ని ముఖ్యమైన ఖాళీల వివరాలు:

పోస్టు పేరు మొత్తం ఖాళీలు
TGT (ఇంగ్లీష్) మేల్

869

TGT (గణితం) మేల్

744

TGT (నేచురల్ సైన్స్) మేల్

630

TGT (నేచురల్ సైన్స్) ఫిమేల్

502

TGT (హిందీ) మేల్

420

TGT (సంస్కృతం) ఫిమేల్

416

మొత్తం ఖాళీలు 5,346

ముఖ్యమైన అర్హతలు

TGT పోస్టులకు దరఖాస్తు చేయాలంటే అభ్యర్థులు కింది మూడు ప్రధాన అర్హతలను తప్పనిసరిగా కలిగి ఉండాలి:

  1. విద్యార్హత: సంబంధిత సబ్జెక్టులో కనీసం 50 శాతం మార్కులతో బ్యాచిలర్ డిగ్రీ లేదా మాస్టర్స్ డిగ్రీ పూర్తి చేసి ఉండాలి.

  2. ట్రైనింగ్ డిగ్రీ: తప్పనిసరిగా B.Ed లేదా తత్సమాన డిగ్రీ పూర్తి చేసి ఉండాలి.

  3. టీచర్ అర్హత పరీక్ష: సెంట్రల్ టీచర్స్ ఎలిజిబిలిటీ టెస్ట్ (CTET) లో తప్పనిసరిగా ఉత్తీర్ణులై ఉండాలి.

వేతనం & వయో పరిమితి

  • వేతనం: ఈ పోస్టులకు పే లెవల్-7 వర్తిస్తుంది, దీని ప్రకారం ₹44,900 – ₹1,42,400 వరకు జీతం ఉంటుంది.

  • వయో పరిమితి: సాధారణంగా 30 సంవత్సరాలు మించకూడదు. ఎస్సీ, ఎస్టీ (5 సంవత్సరాలు), ఓబీసీ (3 సంవత్సరాలు), పీడబ్ల్యూడీ (10-15 సంవత్సరాలు) వంటి రిజర్వేషన్ వర్గాలకు ప్రభుత్వ నిబంధనల మేరకు వయో సడలింపులు వర్తిస్తాయి.

ఎంపిక విధానం అభ్యర్థులను రాత పరీక్ష (One Tier) ద్వారా ఎంపిక చేస్తారు.

దరఖాస్తు విధానం అభ్యర్థులు DSSSB అధికారిక వెబ్‌సైట్ dsssbonline.nic.in ద్వారా మాత్రమే ఆన్‌లైన్‌లో దరఖాస్తు చేయాలి. పోస్టు లేదా మెయిల్ ద్వారా పంపిన దరఖాస్తులను స్వీకరించరు.